GOVPH

Para sa pagdiriwang ngayong taon, ito ay may temang “Siyensya, Teknolohiya, at Inobasyon: Kabalikat sa Matatag, Maginhawa at Panatag na Kinabukasan" na may sub-theme na "Providing Solutions and Opening Opportunities in the Green Economy." 

Layunin ng mga teknolohiya at aktibidades na tugunan ang hamon sa pagbabago ng klima o climate change, agrikultura, at pangangalaga ng kalikasan or environment conservation sa pamamagigitan ng napapanahon at angkop na solusyon para sa likas-kayang pag-unlad ng bansa.

“As we celebrate the 2024 National Science, Technology, and Innovation Week, we shine a light on green initiatives, groundbreaking technologies, and our collective vision for a smarter, more sustainable Philippines,” ani DOST Secretary Renato U. Solidum Jr. 

[Sa pagdiriwang natin ng 2024 National Scence, Technology, and Innovation Week, binibigyang-liwanag natin ang inisyatibang pangkalikasan, mga makabagong teknolohiya, at ang sama-samang pananaw para sa mas matalino, mas likas-kayang Pilipinas.]

Dagdag niya, binibigyang-diin ang likas-kaya o “sustainability,” na isa sa mga apat na haliging sinasaligan ng mga inisyatibo ng Departamento, upang palakasin ang pananaliksik at pag-unlad para sa pangangalaga at konserbasyon ng kapaligiran.

“We believe that strengthening initiatives on sustainability, with central importance on the environment and natural resources, will cut across the other pillars – stimulating wealth creation, reinforcing wealth protection, and ultimately promoting human well-being,” aniya.

[Naniniwala kami na ang pagpapalakas ng mga inisyatibo sa likas-kaya, na nagbibigay-importansya sa kapaligiran at likas-yaman, ay makakaapekto sa iba pang haligi ng Departamento––ang pagpapasigla ng paggawa ng yaman, pagpapatibay ng pagprotekta sa yaman, at higit sa lahat, ang pagsusulong ng kapakanan ng tao.]

Bukas ang pagdiriwang hanggang ika-1 ng Disyembre 2024.

(Ni Rosemarie C. Señora, DOST-STII)